1. Г.НАРАНБААТАР Уран бүтээлийн нэр: Наба

 https://www.artstation.com/naranbaatars

Монголын хамгийн өндөр үнэлгээтэй 2D artist. Тэрбээр их сургуульд сурах хугацаагаа гэртээ сууж, өөрийгөө хөгжүүлэхэд зориулсан гэдэг. Наба гадаадаас захиалгат ажлууд хийдэг, түүнчлэн түүний хийсэн зургийн хичээлүүдийг 2D арт сурахыг хүссэн  гадаадын олон орны уран бүтээлчид, сонирхогчид худалдаж авдаг. Дэлхийн хэмжээнд яригддаг монгол залуугийн бүтээлийг түүний цахим портфолиогоос үзээрэй.

2. Г.АНХНЫБАЯР  Уран бүтээлийн нэр: Анхаа

https://www.facebook.com/Beernightanimationstudio/

Зохиолч, найруулагч, аниматор. 2D анимейшний “Beer night” студийг үүсгэн байгуулагчдын нэг. Энэ студийн залуус нийгэмд дуулиан тарьсан “Онц дүмд” цувралыг бүтээсэн билээ.

Язгуур өв соёлоо түгээн дэлгэрүүлэх, дэлхийд гаргах монгол контент бүтээхээр ажиллаж байгаа Г.Анхныбаяр Монголдоо Game design чиглэлийн уран бүтээлчдийн анхдагч болж, эрчимтэйгээр хөгжүүлж байгаа.

3. САРАА Уран бүтээлийн нэр: Сараагийн урлан

https://www.facebook.com/saragiinurlan

Illustration чиглэлээр ажилладаг Монголын энэ цагийн хүчтэй дижитал артист Сараагийн бүтэн нэрийг хэн гэдэг юм бол? Юутай ч Сараа бол иргэнлэг, эх оронч, нийгмийн идэвхтэй, бас дээр нь уран бүтээлч хүнд байх ёстой бүх чанар- авьяас, мэдрэмж, хичээл зүтгэл төгс бүсгүй. БНСУ-д суралцдаг дижитал артист бүсгүйн пэйж хуудас 11 мянган дагагчтай. Түүний бүтээлийг үзье гэвэл Сараагийн урланд саатаарай.

4.  Х.ЭНХЦОГТ. Уран бүтээлийн нэр: Энхээ

https://www.instagram.com/enkedraws

Манга артист. Монголдоо дижитал артын шинэ төрлийг хөгжүүлэхээр зорин зүтгэж яваа энэ залуу зурах ур чадварын хувьд маш өвөрмөц, онцгой. Олон жилийг тууштайгаар өөрийгөө хөгжүүлж, ур чадвараа сайжруулахад зориулсан уран бүтээлч гэдэг. Энхээ зорилгынхоо захаас атгаж, “Мөрөөдлийн баг” хэмээх монгол мангаг бүтээгээд байна. Монгол манганы гол баатрууд нь Золбоо болон түүний нөхөд.

5. БАТХУЯГ БАТБАЯР Уран бүтээлийн нэр: Junio

https://www.instagram.com/batkhuyagbatbayar/

https://www.artstation.com/artwork/aYJ5BL

2D concept артист. Монголын дижитал артын салбартаа нэртэй энэ уран бүтээлчийн жинхэнэ нэр нь  Батхуяг уу, Батбаяр уу гэдгийг интернэтийн найзууд нь сайн мэддэггүй. Гэхдээ Жүнио гэдэг нэрээр нь бол андахгүй. Түүний цахим талбарт саатахад мөрөөдөл, төсөөллийн ертөнцөд очсон мэт санагддаг нь гайхалтай шүү!